ಸಿನಿಮಾ - ರಂಗಭೂಮಿ
ಇತಿಹಾಸ - ಮಾಹಿತಿ - ಮನರಂಜನೆ

ಪೇಷನ್ಸ್ ಕೂಪರ್

ಪೋಸ್ಟ್ ಶೇರ್ ಮಾಡಿ

ಭಾರತದ ಮೊದಲ ಸಿನಿಮಾ ಸ್ಟಾರ್‌ಗಳಲ್ಲಿ ನಟಿ ಪೇಷನ್ಸ್ ಕೂಪರ್ ಹೆಸರು ಪ್ರಮುಖವಾಗಿ ಪ್ರಸ್ತಾಪವಾಗುತ್ತದೆ. ಕೊಲ್ಕೊತ್ತಾ ಮೂಲದ ಆಂಗ್ಲೋ ಇಂಡಿಯನ್‌ ಪೇಷನ್ಸ್ ಕೂಪರ್ ಮೊದಲು ‘ಬ್ಯಾಂಡ್‌ಮನ್‌’ ಡ್ಯಾನ್ಸ್ ಟ್ರೂಪ್‌ನಲ್ಲಿ ನೃತ್ಯಗಾರ್ತಿಯಾಗಿದ್ದರು. ಮುಂದೆ ಮದನ್‌ ರಂಗತಂಡದ ಹಲವು ನಾಟಕಗಳಲ್ಲಿ ಅಭಿನಯಿಸಿದರು. ನಂತರದ ದಿನಗಳಲ್ಲಿ ಮದನ್‌ ಥಿಯೇಟರ್‌ ಪಿಕ್ಚರ್ಸ್‌ ಬ್ಯಾನರ್‌ ಸಿನಿಮಾಗಳನ್ನು ತಯಾರಿಸಿತು. ಅಲ್ಲಿನ ಮೂಕಿ ಚಿತ್ರಗಳಲ್ಲಿ ಪೇಷನ್ಸ್ ಕೂಪರ್ ನಟಿಸಿದರು. ನಳ ದಮಯಂತಿ (1920), ಧ್ರುವ ಚರಿತಾ, ಪತಿ ಭಕ್ತಿ, ರತ್ನಾವಳಿ, ನೂರ್‌ ಜಹಾನ್‌ ಮುಂತಾದ ಮೂಕಿ ಚಿತ್ರಗಳಲ್ಲಿ ಹೆಸರು ಗಳಿಸಿದ ಪೇಷನ್ಸ್ ಕೂಪರ್‌ ಟಾಕಿ ಸಿನಿಮಾಗಳತ್ತ ಹೊರಳಿದರು. ಶ್ವೇತವರ್ಣ, ಚೂಪುಗಣ್ಣಿನ ಅವರು ‘ಹಾಲಿವುಡ್‌ ಲುಕ್‌’ನ ಪಾತ್ರಗಳಿಗೆ ಸೂಕ್ತವಾಗಿ ಹೊಂದಿಕೆಯಾಗುತ್ತಿದ್ದರು ಎಂದು ಆಗ ತಂತ್ರಜ್ಞರು ಅಭಿಪ್ರಾಯ ಪಟ್ಟಿದ್ದರು.

ಭಾರತೀಯ ಸಿನಿಮಾದ ಆರಂಭದ ಕೆಲವು ದ್ವಿಪಾತ್ರಗಳಲ್ಲಿ ನಟಿಸಿದ ಹೆಗ್ಗಳಿಕೆ ಪೇಷನ್ಸ್ ಕೂಪರ್ ಅವರದ್ದು. ‘ಪತ್ನಿ ಪ್ರತಾಪ್‌’ ಮತ್ತು ‘ಕಶ್ಮೀರಿ ಸುಂದರಿ’ ಅವರ ದ್ವಿಪಾತ್ರದ ಎರಡು ಚಿತ್ರಗಳು. ಮೂವತ್ತರ ದಶಕದಲ್ಲಿ ಅವರು ನಾಯಕನಟಿಯಾಗಿ ಜನಪ್ರಿಯತೆ ಗಳಿಸಿದರು. ಇರಾದಾ, ಖಾನ್ ಸಾಹೇಬ್‌ (1946) ಅವರ ಕೊನೆಯ ಎರಡು ಸಿನಿಮಾಗಳು. 1947ರಲ್ಲಿ ಪಾಕಿಸ್ತಾನಕ್ಕೆ ವಲಸೆ ಹೋದ ಅವರು ಅಲ್ಲಿ ಹತ್ತಾರು ಅನಾಥ ಮಕ್ಕಳನ್ನು ದತ್ತು ಪಡೆದು ಪೋಷಿಸಿದರು ಎನ್ನಲಾಗುತ್ತದೆ. 1993ರ ಏಪ್ರಿಲ್‌ 5ರಂದು ಕರಾಚಿಯಲ್ಲಿ ಪೇಷನ್ಸ್ ಕೂಪರ್ ನಿಧನ ಹೊಂದಿದರು.

ಪೇಷನ್ಸ್ ಕೂಪರ್‌ | ಜನನ: 1905 | ನಿಧನ: 05/04/1993

ನೆನಪು ಸಾಧನೆ - ಸ್ಫೂರ್ತಿ

ಜನಪ್ರಿಯ ಪೋಸ್ಟ್ ಗಳು

ಚಿತ್ರಸಾಹಿತಿ ಗೋಪಾಲ ವಾಜಪೇಯಿ

ಕವಿ, ಪತ್ರಕರ್ತ, ನಾಟಕಕಾರ ಗೋಪಾಲ ವಾಜಪೇಯಿ (01/06/1951 – 20/09/2016) ಚಿತ್ರಸಾಹಿತ್ಯಕ್ಕೆ ಗಮನಾರ್ಹ ಕೊಡುಗೆ ನೀಡಿದ್ದಾರೆ. ಇಂದು (ಸೆಪ್ಟೆಂಬರ್‌ 20)

ಹಾಸ್ಯನಟ ರತ್ನಾಕರ್ ಚಿತ್ರನಿರ್ದೇಶಕರೂ ಹೌದು

ಕನ್ನಡ ಚಿತ್ರರಂಗ ಕಂಡ ಪ್ರಮುಖ ಹಾಸ್ಯಕಲಾವಿದರಲ್ಲೊಬ್ಬರು ರತ್ನಾಕರ್. ಅವರು ಜನಿಸಿದ್ದು ಕೊಲ್ಲೂರಿನಲ್ಲಿ. ಓದಿದ್ದು ನಾಲ್ಕನೇ ತರಗತಿಯಷ್ಟೆ. ಕಾರಣಾಂತರಗಳಿಂದ ಚಿಕ್ಕಂದಿನಲ್ಲೇ ಅವರು

ಕಂಚಿನಕಂಠದ ನಟ ಅರಸ್

ಕನ್ನಡ ಚಿತ್ರರಂಗದ ಕಂಚಿನಕಂಠದ ನಟ ಸುಂದರ ಕೃಷ್ಣ ಅರಸ್. ಚಾಮರಾಜನಗರ ಸಮೀಪದ ಉತ್ತವಳ್ಳಿ ಹುಟ್ಟೂರು. ಯಳಂದೂರಿನಲ್ಲಿ ಹೈಸ್ಕೂಲ್ ಶಿಕ್ಷಣ ಮುಗಿಸಿದ