ಸಿನಿಮಾ - ರಂಗಭೂಮಿ
ಇತಿಹಾಸ - ಮಾಹಿತಿ - ಮನರಂಜನೆ

ದಿವ್ಯಾ ಭಾರತಿ

ನಟಿ
ಪೋಸ್ಟ್ ಶೇರ್ ಮಾಡಿ

ನಟಿ ದಿವ್ಯಾ ಭಾರತಿ ಚಿತ್ರರಂಗದಲ್ಲಿ ಸಕ್ರಿಯವಾಗಿದ್ದುದು ಕೇವಲ ನಾಲ್ಕು ವರ್ಷವಷ್ಟೆ. ಈ ನಾಲ್ಕು ವರ್ಷಗಳ ಅವಧಿಯಲ್ಲೇ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯಾಗಿ, ಅತ್ಯಂತ ಜನಪ್ರಿಯ ತಾರೆಯಾಗಿ ಹೆಸರು ಮಾಡಿದ್ದರು. 14ರ ಹರೆಯದಲ್ಲಿ ಮಾಡೆಲಿಂಗ್ ಕ್ಷೇತ್ರಕ್ಕೆ ಕಾಲಿಟ್ಟ ದಿವ್ಯಾ ‘ಬೊಬ್ಬಿಲಿ ರಾಜಾ’ (1990) ತೆಲುಗು ಚಿತ್ರದೊಂದಿಗೆ ಸಿನಿಮಾ ಪ್ರವೇಶಿಸಿದರು. ಮರುವರ್ಷ ತೆರೆಕಂಡ ‘ರೌಡಿ ಅಲ್ಲುಡು’ ತೆಲುಗು ಸಿನಿಮಾ ಬಹುದೊಡ್ಡ ಯಶಸ್ಸು ಕಂಡಿತು. ಅದು ದಿವ್ಯಾ ವೃತ್ತಿಬದುಕಿನ ಮಹತ್ವದ ತಿರುವು.

‘ವಿಶ್ವಾತ್ಮಾ’ (1992) ಹಿಂದಿ ಚಿತ್ರದೊಂದಿಗೆ ಬಾಲಿವುಡ್‌ಗೆ ಪದಾರ್ಪಣೆ ಮಾಡಿದ ಅವರು ‘ಶೋಲಾ ಔರ್ ಶಬ್ನಮ್’, ‘ದೀವಾನಾ’ ಚಿತ್ರಗಳ ಯಶಸ್ಸಿನೊಂದಿಗೆ ಬೇಡಿಕೆಯ ನಟಿಯಾದರು. 1992ರ ಒಂದೇ ವರ್ಷ ಅವರ ಹನ್ನೆರೆಡು ಚಿತ್ರಗಳು ಬಿಡುಗಡೆಯಾಗಿದ್ದವು! ಪದಾರ್ಪಣೆ ಮಾಡಿದ ವರ್ಷದಲ್ಲೇ ಸಾಲು, ಸಾಲು ಚಿತ್ರಗಳ ಅವಕಾಶ ಪಡೆದ ಮತ್ತೊಬ್ಬ ನಟಿ ಇಲ್ಲವೆಂದೇ ಹೇಳಬಹುದು. ತೆಲುಗು, ಹಿಂದಿಯ ಒಟ್ಟು 20 ಚಿತ್ರಗಳಲ್ಲಿ ನಟಿಸಿದ್ದಾರೆ. 1993ರ ಏಪ್ರಿಲ್ 5ರಂದು ಅಕಾಲಿಕವಾಗಿ ಅಗಲಿದಾಗ ದಿವ್ಯಾ ಭಾರತಿಗೆ 19 ವರ್ಷವಷ್ಟೆ. ಐದನೇ ಮಹಡಿಯಲ್ಲಿದ್ದ ಮನೆಯ ಬಾಲ್ಕನಿಯಿಂದ ಕೆಳಗೆ ಬಿದ್ದು ಅಸುನೀಗಿದ ದಿವ್ಯಾ ಸಾವು ಆಕಸ್ಮಕವಷ್ಟೇ ಅಲ್ಲ, ರಹಸ್ಯವಾಗಿಯೂ ಉಳಿದಿದೆ.

ನೆನಪು ಸಾಧನೆ - ಸ್ಫೂರ್ತಿ

ಜನಪ್ರಿಯ ಪೋಸ್ಟ್ ಗಳು

ಒರಿಜಿನಲ್ ಹೀಮ್ಯಾನ್ ದಾರಾ ಸಿಂಗ್!

ಅರವತ್ತು, ಎಪ್ಪತ್ತರ ದಶಕಗಳಲ್ಲಿ ಹಿಂದಿ ಆ್ಯಕ್ಷನ್ ಸಿನಿಮಾಗಳ ರಾಜ ಎಂದೇ ಕರೆಸಿಕೊಂಡಿದ್ದವರು ಧಾರಾ ಸಿಂಗ್‌. ಪಂಜಾಬ್‌ನ ಗ್ರಾಮವೊಂದರ ಯುವಕ ಸಿನಿಮಾ

ಬಿ.ಎನ್.ಹರಿದಾಸ್

ಬೆಂಗಳೂರು ಮೂಲದ ಹರಿದಾಸ್ ಕನ್ನಡ, ತಮಿಳಿನ ಅರವತ್ತಕ್ಕೂ ಹೆಚ್ಚು ಚಿತ್ರಗಳಿಗೆ ಛಾಯಾಗ್ರಾಹಕರಾಗಿ ಕೆಲಸ ಮಾಡಿದ್ದಾರೆ. `ಫಲಿತಾಂಶ’ ಸೇರಿದಂತೆ ಪುಟ್ಟಣ್ಣನವರ `ಬಿಳಿ