ಸಿನಿಮಾ - ರಂಗಭೂಮಿ
ಇತಿಹಾಸ - ಮಾಹಿತಿ - ಮನರಂಜನೆ

‘ತೂಗುದೀಪ’ದ ಬೆಳಕಿನ ಹಾದಿಯಲ್ಲಿ…

ಪೋಸ್ಟ್ ಶೇರ್ ಮಾಡಿ

ಮೈಸೂರಿನ ಶ್ರೀನಿವಾಸ್ ಚಿತ್ರರಂಗದಲ್ಲಿ ‘ತೂಗುದೀಪ ಶ್ರೀನಿವಾಸ್’ ಎಂದೇ ಜನಪ್ರಿಯರಾದವರು. ಶ್ರೀನಿವಾಸ್ ಅವರ ತಂದೆ ಮುನಿಸ್ವಾಮಿನಾಯ್ಡು ರಂಗಭೂಮಿ ಕಲಾವಿದರು. ತಂದೆಯ ನಾಟಕಗಳನ್ನು ನೋಡಿಕೊಂಡು ಬೆಳೆದ ಶ್ರೀನಿವಾಸ್ ಅವರಲ್ಲಿಯೂ ನಟನೆಯ ಬೀಜ ಮೊಳಕೆಯೊಡಿದಿತ್ತು. ಪಿಯುಸಿ ಓದುವಾಗ ಕಾಲೇಜಿನ ‘ಕಾಶಿಯಾತ್ರೆ’ ನಾಟಕದಲ್ಲಿ ಅಭಿನಯಿಸಿದರು. ಈ ನಾಟಕದಲ್ಲಿನ ಅವರ ಪಾತ್ರಕ್ಕೆ ಬಹುಮಾನ ಬಂದಿತು. ಇದು ಅವರ ನಟನೆಯ ಆಸೆಗೆ ಇಂಬು ನೀಡಿತು.

ಡಾ.ರಾಜಕುಮಾರ್, ಪಾರ್ವತಮ್ಮ ಅವರೊಂದಿಗೆ ತೂಗುದೀಪ ಶ್ರೀನಿವಾಸ್‌

ಮುಂದೆ ನಟ ಎಂ.ಪಿ.ಶಂಕರ್ ಅವರ ‘ಭರಣಿ ಕಲಾವಿದರು’ ರಂಗತಂಡದ ಸಕ್ರಿಯ ಸದಸ್ಯರಾದರು. ಅದೊಮ್ಮೆ ‘ಎಚ್ಚಮನಾಯಕ’ ನಾಟಕದಲ್ಲಿನ ಬಾದಷಾಹನ ಪಾತ್ರದಲ್ಲಿ ನಟಿಸುತ್ತಿದ್ದಾಗ ನಿರ್ದೇಶಕ ಕೆ.ಎಸ್‌.ಎಲ್‌.ಸ್ವಾಮಿ ಅವರ ಕಣ್ಣಿಗೆ ಬಿದ್ದರು. ಕೆ.ಎಸ್‌.ಎಲ್‌.ಸ್ವಾಮಿ ತಮ್ಮ ‘ತೂಗುದೀಪ’ ಚಿತ್ರದ ಪ್ರಮುಖ ಪಾತ್ರದಲ್ಲಿ ನಟಿಸುವ ಅವಕಾಶ ನೀಡಿದರು. ‘ತೂಗುದೀಪ’ ಸಿನಿಮಾ ಶ್ರೀನಿವಾಸ್‌ ಅವರಿಗೆ ಹೆಸರು ತಂದುಕೊಟ್ಟಿತು. ಈ ಸಿನಿಮಾ ತಂಡದಲ್ಲಿ ಮೂವರು ಶ್ರೀನಿವಾಸ್‌ ಇದ್ದರು. ಸಂಕಲನಕಾರ ಬಾಲ್‌.ಜಿ.ಯಾದವ್ ಅವರು ಶ್ರೀನಿವಾಸರಿಗೆ ತಮ್ಮ ಹೆಸರಿನ ಮುಂದೆ ‘ತೂಗುದೀಪ’ ಸೇರಿಸಿಕೊಳ್ಳುವಂತೆ ಸೂಚಿಸಿದರು. ಅಲ್ಲಿಂದ ಮುಂದೆ ‘ತೂಗುದೀಪ ಶ್ರೀನಿವಾಸ್‌’ ಎನ್ನುವ ಸುಂದರ ಹೆಸರು ಇವರದಾಯ್ತು.

ಚಿತ್ರವೊಂದರಲ್ಲಿ ನಟ ಪ್ರಭಾಕರ್ ಜೊತೆ

‘ಸಿಪಾಯಿ ರಾಮು’ ಚಿತ್ರದ ಮಂಗಲ್‌ಸಿಂಗ್ ಪಾತ್ರ ಶ್ರೀನಿವಾಸ್‌ ಅವರಿಗೆ ದೊಡ್ಡ ಹೆಸರು ತಂದುಕೊಟ್ಟಿತು. ಕನ್ನಡ ಚಿತ್ರರಂಗದ ಪ್ರಮುಖ ಖಳನಟ, ಪೋಷಕನಟನಾಗಿ ಗುರುತಿಸಿಕೊಂಡ ಅವರು 230ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. ಸಿಪಾಯಿ ರಾಮು, ರಾಮಾಪುರದ ರಾವಣ, ಧ್ರುವತಾರೆ, ಅದೇ ಕಣ್ಣು, ಬೆಂಕಿಯಬಲೆ, ಶ್ರಾವಣ ಬಂತು, ಜೀವನಚೈತ್ರ ಅವರ ಕೆಲವು ಜನಪ್ರಿಯ ಸಿನಿಮಾಗಳು. ಸಿನಿಮಾ ನಟನೆಯ ಬಿಡುವಿನ ದಿನಗಳಲ್ಲಿ ಅವರು ಉತ್ತರ ಕರ್ನಾಟಕದ ಕಂಪನಿ ನಾಟಕಗಳಲ್ಲಿ ಹಲವು ಪಾತ್ರಗಳನ್ನು ನಿರ್ವಹಿಸಿದ್ದರು. ‘ಇಂಡಿಯನ್’, ‘ಮಾಮರವೆಲ್ಲೋ ಕೋಗಿಲೆಯೆಲ್ಲೋ’ ಅವರ ಕೊನೆಯ ಸಿನಿಮಾಗಳು. 1995ರ ಅಕ್ಟೋಬರ್‌ 14ರಂದು ತೂಗುದೀಪ ಶ್ರೀನಿವಾಸ್ ಇಹಲೋಕ ತ್ಯಜಿಸಿದರು. ಅವರ ಹಿರಿಯ ಪುತ್ರ ದರ್ಶನ್‌ ಪ್ರಸ್ತುತ ಕನ್ನಡದ ಜನಪ್ರಿಯ ನಟ. ಕಿರಿಯ ಪುತ್ರ ದಿನಕರ್‌ ಪ್ರತಿಭಾವಂತ ನಿರ್ದೇಶಕ.

ತೂಗುದೀಪ ಶ್ರೀನಿವಾಸ್ | ಜನನ: 17/04/1940 | ನಿಧನ: 16/10/1995

(ಪೂರಕ ಮಾಹಿತಿ ಕೃಪೆ: ರುಕ್ಕೋಜಿ ಅವರ ‘ಡಾ.ರಾಜಕುಮಾರ್ ಸಮಗ್ರ ಚರಿತ್ರೆ’ ಕೃತಿ)

ತಂದೆಯೊಂದಿಗೆ ದರ್ಶನ್‌, ದಿನಕರ್‌

ನೆನಪು ಸಾಧನೆ - ಸ್ಫೂರ್ತಿ

ಜನಪ್ರಿಯ ಪೋಸ್ಟ್ ಗಳು

ಚಿತ್ರಸಾಹಿತಿ ಗೋಪಾಲ ವಾಜಪೇಯಿ

ಕವಿ, ಪತ್ರಕರ್ತ, ನಾಟಕಕಾರ ಗೋಪಾಲ ವಾಜಪೇಯಿ (01/06/1951 – 20/09/2016) ಚಿತ್ರಸಾಹಿತ್ಯಕ್ಕೆ ಗಮನಾರ್ಹ ಕೊಡುಗೆ ನೀಡಿದ್ದಾರೆ. ಇಂದು (ಸೆಪ್ಟೆಂಬರ್‌ 20)

ಹಾಸ್ಯನಟ ರತ್ನಾಕರ್ ಚಿತ್ರನಿರ್ದೇಶಕರೂ ಹೌದು

ಕನ್ನಡ ಚಿತ್ರರಂಗ ಕಂಡ ಪ್ರಮುಖ ಹಾಸ್ಯಕಲಾವಿದರಲ್ಲೊಬ್ಬರು ರತ್ನಾಕರ್. ಅವರು ಜನಿಸಿದ್ದು ಕೊಲ್ಲೂರಿನಲ್ಲಿ. ಓದಿದ್ದು ನಾಲ್ಕನೇ ತರಗತಿಯಷ್ಟೆ. ಕಾರಣಾಂತರಗಳಿಂದ ಚಿಕ್ಕಂದಿನಲ್ಲೇ ಅವರು

ಕಂಚಿನಕಂಠದ ನಟ ಅರಸ್

ಕನ್ನಡ ಚಿತ್ರರಂಗದ ಕಂಚಿನಕಂಠದ ನಟ ಸುಂದರ ಕೃಷ್ಣ ಅರಸ್. ಚಾಮರಾಜನಗರ ಸಮೀಪದ ಉತ್ತವಳ್ಳಿ ಹುಟ್ಟೂರು. ಯಳಂದೂರಿನಲ್ಲಿ ಹೈಸ್ಕೂಲ್ ಶಿಕ್ಷಣ ಮುಗಿಸಿದ