ಚಿತ್ರಸಾಹಿತಿ ಕರುಣಾನಿಧಿ

ಮೇರು ತಮಿಳು ನಟ ಶಿವಾಜಿ ಗಣೇಶನ್ ಅವರೊಂದಿಗೆ ಎಂ.ಕರುಣಾನಿಧಿ. ರಾಜಕೀಯ ಪ್ರವೇಶಿಸುವ ಮುನ್ನ ಕರುಣಾನಿಧಿ (03/06/1924 – 07/08/2018) ಅವರು ಜನಪ್ರಿಯ ಚಿತ್ರಸಾಹಿತಿ – ನಾಟಕಕಾರ. ಅವರು ಚಿತ್ರಕಥೆ ರಚಿಸಿದ ಮೊದಲ ಸಿನಿಮಾ ‘ರಾಜಕುಮಾರಿ’ (1947). ಕರುಣಾನಿಧಿ ಚಿತ್ರಕಥೆ ಮತ್ತು ಸಂಭಾಷಣೆ ಬರೆದ ‘ಪರಾಶಕ್ತಿ’ (1952) ಶಿವಾಜಿ ಗಣೇಶನ್ ವೃತ್ತಿ ಬದುಕಿಗೆ ತಿರುವು ನೀಡಿದ ಮಹತ್ವದ ಚಿತ್ರವಾಯ್ತು. ಕರುಣಾನಿಧಿ ಅವರು 75ಕ್ಕೂ ಹೆಚ್ಚು ತಮಿಳು ಚಿತ್ರಗಳಿಗೆ ಚಿತ್ರಕಥೆ, ಸಂಭಾಷಣೆ ಹಾಗೂ ಹಲವಾರು ಚಿತ್ರಗೀತೆಗಳನ್ನು ರಚಿಸಿದ್ದಾರೆ. ಇಂದು ಕರುಣಾನಿಧಿ ಅವರ ಜನ್ಮದಿನ.