ಸಿನಿಮಾ - ರಂಗಭೂಮಿ
ಇತಿಹಾಸ - ಮಾಹಿತಿ - ಮನರಂಜನೆ

‘ಬಿಳಿ ಹೆಂಡ್ತಿ’ ಮಾರ್ಗರೆಟ್

ಪೋಸ್ಟ್ ಶೇರ್ ಮಾಡಿ

ಅಮೆರಿಕ ಮೂಲದ ಮಾರ್ಗರೆಟ್ ಥಾಮ್ಸನ್ ‘ಬಿಳಿ ಹೆಂಡ್ತಿ’ ಚಿತ್ರಕ್ಕೆ ಆಯ್ಕೆಯಾದದ್ದು ಆಕಸ್ಮಿಕ. ಹದಿನೆಂಟರ ಹರೆಯದ ಮಾರ್ಗರೆಟ್ ಆಗ ‘ಭಾರತದ ಗ್ರಾಮೀಣ ಬದುಕು’ ವಿಷಯದಲ್ಲಿ ಇಂಟರ್ನ್‌ಶಿಪ್‌ ಮಾಡಲು ಭಾರತಕ್ಕೆ ಬಂದಿದ್ದರಂತೆ. ನಟ, ನಿರ್ಮಾಪಕ ಶೃಂಗಾರ್ ನಾಗರಾಜ್ (ನಟ ರಾಮಕುಮಾರ್‌ ತಂದೆ) ಆಗ ಫಾರಿನ್ ಟ್ರಾವೆಲ್ ಏಜನ್ಸಿಯೊಂದನ್ನು ನಡೆಸುತ್ತಿದ್ದರು. ಪುಟ್ಟಣ್ಣನವರು ತಮ್ಮ ಚಿತ್ರಕ್ಕೆ ವಿದೇಶಿ ಯುವತಿಯನ್ನು ಹುಡುಕುತ್ತಿದ್ದುದು ಶೃಂಗಾರ್ ನಾಗರಾಜ್ ಅವರಿಗೆ ತಿಳಿದಿತ್ತು. ತಮ್ಮ ಗಮನಕ್ಕೆ ಬಂದ ಮಾರ್ಗರೆಟ್‌ರನ್ನು ಅವರು ಪುಟ್ಟಣ್ಣನವರಿಗೆ ಪರಿಚಯಿಸಿದರು. ಸಿನಿಮಾ ಪಾತ್ರಕ್ಕೆ ಸೂಕ್ತ ರೀತಿಯಲ್ಲಿ ಹೊಂದಿಕೆಯಾಗುವಂತಿದ್ದ ಮಾರ್ಗರೆಟ್‌ರನ್ನು ಪುಟ್ಟಣ್ಣ ತಮ್ಮ ಚಿತ್ರಕ್ಕೆ ಆಯ್ಕೆ ಮಾಡಿಕೊಂಡರು.

ಸಿನಿಮಾ ಬಗ್ಗೆ ಆಸಕ್ತಿ ಇದ್ದ ಮಾರ್ಗರೆಟ್ ‘ಬಿಳಿ ಹೆಂಡ್ತಿ’ಯಾಗಿ ಕ್ಯಾಮೆರಾ ಎದುರಿಸಲು ಒಪ್ಪಿದರು. ಸಿನಿಮಾದಲ್ಲಿ ನಟಿಸಲು ನಿರ್ಧರಿಸುತ್ತಿದ್ದಂತೆ ಮಾರ್ಗರೆಟ್ ತಮ್ಮ ಇಂಟರ್ನ್‌ಶಿಪ್‌ ವಿಷಯವನ್ನು ‘ಭಾರತೀಯ ಸಿನಿಮಾ’ಗೆ ಬದಲಿಸಿಕೊಂಡರಂತೆ. ಅವರು ಭಾರತದಲ್ಲಿದ್ದುದು ಮೂರು ತಿಂಗಳಷ್ಟೆ. ಚಿತ್ರೀಕರಣ ಮುಗಿದ ನಂತರ ಅಮೆರಿಕಕ್ಕೆ ಹೊರಟು ನಿಂತ ಮಾರ್ಗರೆಟ್‌ರಿಗೆ ‘ಬಿಳಿ ಹೆಂಡ್ತಿ’ ಚಿತ್ರತಂಡದಿಂದ ಬೀಳ್ಗೊಡುಗೆ ಸಮಾರಂಭ ಏರ್ಪಾಟಾಗಿತ್ತು.

ಏರ್‌ಲೈನ್ಸ್‌ ಹೋಟೆಲ್‌ನಲ್ಲಿ ನಡೆದ ಸಮಾರಂಭಕ್ಕೆ ಮಾರ್ಗರೆಟ್ ಸೀರೆಯುಟ್ಟು ಬಂದಿದ್ದರು. ಇಲ್ಲಿರೋದು ಆ ಸಂದರ್ಭದ ಫೋಟೋ. ಮಾರ್ಗರೆಟ್ ಜತೆ ನಿರ್ಮಾಪಕ ಮುದ್ದುಕೃಷ್ಣ ಮತ್ತು ನಿರ್ದೇಶಕ ಪುಟ್ಟಣ್ಣ ಇದ್ದಾರೆ. ಸ್ಥಿರಚಿತ್ರ ಛಾಯಾಗ್ರಾಹಕ ಅಶ್ವತ್ಥ್ ಸರ್ ತಾವು ತೆಗೆದು ಕೆಲವು ಅಪರೂಪದ ಫೋಟೋಗಳನ್ನು ಮಾರ್ಗರೆಟ್‌ರಿಗೆ ಕೊಟ್ಟಿದ್ದರಂತೆ. ಅಮೆರಿಕಕ್ಕೆ ಮರಳಿದ ನಂತರ ಮಾರ್ಗರೆಟ್ ಕೃತಜ್ಞತಾಪೂರ್ವಕವಾಗಿ ಅಶ್ವತ್ಥರಿಗೆ ಬರೆದಿದ್ದ ಪತ್ರವೂ ಇಲ್ಲಿದೆ ನೋಡಿ.

ಇನ್ನಷ್ಟು ಕಥೆ

ಹೆಳವನಕಟ್ಟೆ ಗಿರಿಯಮ್ಮ

ಸಂಕೇತ್ ಸ್ಟುಡಿಯೋದಲ್ಲಿ ‘ಹೆಳವನಕಟ್ಟೆ ಗಿರಿಯಮ್ಮ’ ಚಿತ್ರದ ಹಾಡಿನ ಧ್ವನಿಮುದ್ರಣ ಸಂದರ್ಭ. ಪಿಬಿಎಸ್ ಜೊತೆ

ಮೂವಿಂಗ್ ಶಾಟ್!

ಈಗ ಸಿನಿಮಾ, ಕಿರುತೆರೆ ಚಿತ್ರೀಕರಣಗಳಲ್ಲಿ ಜಿಮ್ಮೀ ಜಿಬ್ ಸೇರಿದಂತೆ ಆಧುನಿಕ ಪರಿಕರಗಳಿಂದ ಮೂವಿಂಗ್‌

ಕನ್ನಯ್ಯರಾಮ – ಅನಂತನಾಗ್‌

ಆಗಿನ್ನೂ ಅನಂತನಾಗ್ ಕನ್ನಡಿಗರಿಗೆ ಹೆಚ್ಚು ಪರಿಚಿತರಾಗಿರಲಿಲ್ಲ. ‘ಅಂಕುರ್’, ‘ನಿಶಾಂತ್’, ‘ಮಂಥನ್’ ಹಿಂದಿ ಸಿನಿಮಾಗಳು

ಜನಪ್ರಿಯ ಪೋಸ್ಟ್ ಗಳು

ಹಾಡಿನ ಪುಸ್ತಕ

ಹೆಚ್ಚಿನ ಸಂಖ್ಯೆಯ ಪತ್ರಿಕೆಗಳು ಹಾಗೂ ವಿದ್ಯುನ್ಮಾನ ಮಾಧ್ಯಮಗಳಿಲ್ಲದ ಆಗಿನ ಕಾಲದಲ್ಲಿ ಸಿನಿಮಾ ಪ್ರಚಾರಕ್ಕೆ ವಿವಿಧ ತಂತ್ರಗಳ ಮೊರೆಹೋಗಬೇಕಿತ್ತು. ಇಂತಹ ಹಾಡಿನ

`ನಾಗರಹಾವು’ ಮೇಕಿಂಗ್ ಸ್ಟಿಲ್

ಪುಟ್ಟಣ್ಣ ಕಣಗಾಲ್‌ನವರ ಮಹೋನ್ನತ ಚಿತ್ರಗಳಲ್ಲೊಂದಾದ `ನಾಗರಹಾವು’ ಚಿತ್ರಕ್ಕೆ ಮೈಸೂರಿನ ಪ್ರೀಮಿಯರ್ ಸ್ಟುಡಿಯೋದಲ್ಲಿಯೂ ಚಿತ್ರೀಕರಣ ನಡೆದಿತ್ತು. ಚಿತ್ರದಲ್ಲಿನ ಪ್ರಿನ್ಸಿಪಾಲ್ ಮನೆಯ ಸನ್ನಿವೇಶಗಳು