ಭಾರತೀಯ ರಾಷ್ಟ್ರೀಯ ಸಿನಿ ಅಕಾಡೆಮಿ | ಇದು ಪ್ಯಾನ್ ಇಂಡಿಯಾ ವೇದಿಕೆ

ಇಡೀ ಚಿತ್ರೋದ್ಯಮನ್ನು ಒಂದುಗೂಡಿಸುವ ಪ್ಯಾನ್ ಇಂಡಿಯಾ ವೇದಿಕೆಯೊಂದನ್ನು ಭಾರತೀಯ ರಾಷ್ಟ್ರೀಯ ಸಿನಿ ಅಕಾಡೆಮಿ ಸೃಷ್ಟಿಸಿದೆ. ಇದರಲ್ಲಿ 12 ಚಿತ್ರೋದ್ಯಮಗಳು ಭಾಗಿಯಾಗುತ್ತಿವೆ.

ಭಾರತೀಯ ರಾಷ್ಟ್ರೀಯ ಸಿನಿ ಅಕಾಡೆಮಿ- INCA ತನ್ನ ಚೊಚ್ಚಲ ಪ್ರಶಸ್ತಿ ದಿನಾಂಕ ಪ್ರಕಟಿಸಿದೆ. ಏಪ್ರಿಲ್ 15 ಮತ್ತು 16 ರಂದು ಮುಂಬೈನಲ್ಲಿ ಪ್ರಶಸ್ತಿ ಸಮಾರಂಭ ನಡೆಯಲಿದ್ದು, ಇದು ಭಾರತೀಯ ಸಿನಿಮಾಕ್ಕೆ ಐತಿಹಾಸಿಕ ಮತ್ತು ಪರಿವರ್ತನಾ ಕ್ಷಣವಾಗಿದೆ. INCA ಅನ್ನು ಸೆಲೆಬ್ರಿಟಿ ಕ್ರಿಕೆಟ್ ಲೀಗ್ (CCL) ಮತ್ತು SIIMA ಸಂಸ್ಥಾಪಕರಾದ ವಿಷ್ಣು ವರ್ಧನ್ ಇಂದೂರಿ ನೇತೃತ್ವದಲ್ಲಿ‌ ನಡೆಯಲಿದೆ. ಕಲ್ಯಾಣ್ ಜ್ಯುವೆಲ್ಲರ್ಸ್ ಮೊದಲ INCA ಪ್ರಶಸ್ತಿಗಳ ಪ್ರಸ್ತುತ ಪ್ರಾಯೋಜಕರಾಗಿ ಸಾಥ್ ಕೊಡುತ್ತಿದ್ದಾರೆ.‌

ಪ್ರಶಸ್ತಿ ಪ್ರವೇಶಕ್ಕಾಗಿ ಕರೆ ಮಾಡಿ | 2025 ರ ಕ್ಯಾಲೆಂಡರ್ ವರ್ಷದಲ್ಲಿ ಬಿಡುಗಡೆಯಾದ ಸಿನಿಮಾಗಳು 1ನೇ INCA ಪ್ರಶಸ್ತಿಗಳಲ್ಲಿ ಪರಿಗಣನೆಗೆ ತಮ್ಮ ಅರ್ಜಿ ಸಲ್ಲಿಸಲು INCA ಔಪಚಾರಿಕವಾಗಿ ಆಹ್ವಾನಿಸುತ್ತದೆ. ಜನವರಿ 1 ರಿಂದ ಡಿಸೆಂಬರ್ 31, 2025ರ ನಡುವೆ ಬಿಡುಗಡೆಯಾದ ಚಲನಚಿತ್ರಗಳು ಅರ್ಜಿ ಸಲ್ಲಿಸಬಹುದು. ಕೊನೆಯ ದಿನಾಂಕ ಮಾರ್ಚ್‌ 1. ಎಲ್ಲಾ ನಾಮನಿರ್ದೇಶನಗಳನ್ನು ಆನ್‌ಲೈನ್‌ನಲ್ಲಿ ಸಲ್ಲಿಸಬೇಕು. ‘INCA ಪ್ರಶಸ್ತಿಗಳು ಕೇವಲ ಪ್ರಶಸ್ತಿ ಪ್ರದಾನ ಸಮಾರಂಭವಲ್ಲ. ಅವು ಭಾರತೀಯ ಸಿನಿಮಾವನ್ನು ಒಟ್ಟಾಗಿ ಆಚರಿಸಲು ರಾಷ್ಟ್ರೀಯ ಚಳುವಳಿಯ ಆರಂಭವನ್ನು ಪ್ರತಿನಿಧಿಸುತ್ತವೆ’ ಎಂದು ಆಯೋಜಕರು ಹೇಳಿದ್ದಾರೆ.