ರಮೇಶ್ ಅರವಿಂದ್ – 57

ಬೆಂಗಳೂರು ಯುವಿಸಿಇ ಕಾಲೇಜಿನಲ್ಲಿ ಇಂಜಿನಿಯರಿಂಗ್ ಓದುತ್ತಿದ್ದಾಗ ತಮ್ಮ ಸ್ಕಿಟ್‌ ಟ್ರೂಪ್‌ ಮತ್ತು ಟ್ರೋಫಿಯೊಂದಿಗೆ ರಮೇಶ್ ಅರವಿಂದ್. ಕನ್ನಡ ಚಿತ್ರರಂಗ ಕಂಡ ಪ್ರತಿಭಾವಂತ ನಟ – ನಿರ್ದೇಶಕ ರಮೇಶ್‌ ಅರವಿಂದ್‌. ಕನ್ನಡ ಕಿರುತೆರೆಯ ಜನಪ್ರಿಯ ನಿರೂಪಕರಾಗಿ ತಮ್ಮದೇ ಆದ ಹೆಜ್ಜೆ ಗುರುತು ಮೂಡಿಸಿದ್ದಾರೆ. ಮೋಟಿವೇಷನಲ್‌ ಸ್ಪೀಕರ್ ಕೂಡ ಹೌದು. ಪ್ರಮುಖವಾಗಿ ಕನ್ನಡ ಹಾಗೂ ತಮಿಳು, ತೆಲುಗು, ಮಲಯಾಳಂ ಮತ್ತು ಹಿಂದಿ ಭಾಷೆಯ 125ಕ್ಕೂ ಹೆಚ್ಚು ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. ‘ಅಮೆರಿಕಾ ಅಮೆರಿಕಾ’, ‘ಹೂಮಳೆ’ ಚಿತ್ರದ ಉತ್ತಮ ನಟನೆಗಾಗಿ ಅವರಿಗೆ ರಾಜ್ಯಪ್ರಶಸ್ತಿ ಸಂದಿದೆ. ಇಂದು (ಸೆಪ್ಟೆಂಬರ್‌ 10) ರಮೇಶ್ ಅರವಿಂದ್‌ 57ನೇ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದಾರೆ.