(ಬರಹ – ಫೋಟೊ: ಪ್ರಗತಿ ಅಶ್ವತ್ಥ ನಾರಾಯಣ)
ಕನ್ನಡ ಚಿತ್ರರಂಗ ಕಂಡ ಸದಭಿರುಚಿಯ ಚಿತ್ರಗಳ ನಿರ್ದೇಶಕರು ಎಂ.ಆರ್.ವಿಠಲ್. ಸುಮಾರು 17 ಚಿತ್ರಗಳನ್ನು ನಿರ್ದೇಶನ ಮಾಡಿದ್ದಾರೆ. ಅವರು ನಿರ್ದೇಶನ ಮಾಡಿದ ಚಿತ್ರಗಳು 3 ರಾಷ್ಟ್ರ ಹಾಗೂ 3 ರಾಜ್ಯ ಪ್ರಶಸ್ತಿ ಪಡೆದಿವೆ. ನಂದಾದೀಪ, ಮಿಸ್ ಲೀಲಾವತಿ, ಹಣ್ಣೆಲೆ ಚಿಗುರಿದಾಗ, ಎರಡು ಮುಖ, ಪ್ರೇಮಮಯಿ, ನಕ್ಕರೆ ಅದೇ ಸ್ವರ್ಗ, ಪ್ರೊಫೆಸರ್ ಹುಚ್ಚುರಾಯ… ಅವರ ನಿರ್ದೇಶನದ ಪ್ರಮುಖ ಚಿತ್ರಗಳು. ವಿದೇಶ ಪ್ರವಾಸ ಮಾಡಿ ಚಿತ್ರ ನಿರ್ಮಾಣಕ್ಕೆ ಸಂಬಂಧಿಸಿದಂತೆ ಆಳವಾದ ಅದ್ಯಯನ ಮಾಡಿದ್ದರು. ತೀರಾ ಸರಳ, ಸುಸಂಸ್ಕೃತ ವ್ಯಕ್ತಿ. ಪುಟ್ಟಣ್ಣ ಕಣಗಾಲ್ ಪ್ರಶಸ್ತಿ ಪುರಸ್ಕೃತರು. ಕನ್ನಡದ ಮತ್ತೊಬ್ಬ ಖ್ಯಾತ ಚಿತ್ರನಿರ್ದೇಶಕ ಕೆ.ವಿ ಜಯರಾಂ ಇವರ ಶಿಷ್ಯರು. ವಿಠಲ್ ನಿರ್ದೇಶನ ಮಾಡಿದ ಅಷ್ಟೂ ಸಿನಿಮಾಗಳು ಕಪ್ಪು ಬಿಳುಪು. ಒಂದು ಕಲರ್ ಚಿತ್ರ ನಿರ್ದೇಶನ ಮಾಡಬೇಕೆನ್ನುವ ಅವರ ಆಸೆ ಕೈಗೂಡಲಿಲ್ಲ. ಇವರೊಂದಿಗೆ 4 ಚಿತ್ರಗಳಲ್ಲಿ ಸ್ಥಿರಚಿತ್ರ ಛಾಯಾಗ್ರಾಹಕನಾಗಿ ಕೆಲಸ ಮಾಡುವ ಸುಯೋಗ ನನಗೆ ಒದಗಿ ಬಂದಿತು. ಎಂ.ಆರ್.ವಿಠಲ್ ಅವರ ಬಗ್ಗೆ ಲೇಖಕ ಎನ್.ಎಸ್.ಶ್ರೀಧರಮೂರ್ತಿ ಅವರು ವಿವರವಾದ ಪುಸ್ತಕ ರಚಿಸಿದ್ದಾರೆ.
