ಪ್ರೇಮ್ ಚೋಪ್ರಾ – 86

‘ಉಪ್ಕಾರ್‌’ (1967) ಹಿಂದಿ ಚಿತ್ರದಲ್ಲಿ ಪ್ರೇಮ್‌ ಚೋಪ್ರಾ ಮತ್ತು ಮನೋಜ್‌ ಕುಮಾರ್‌. ಹಿಂದಿ ಚಿತ್ರರಂಗ ಕಂಡ ಪ್ರಮುಖ ಖಳನಟರಲ್ಲೊಬ್ಬರು ಪ್ರೇಮ್‌ ಚೋಪ್ರಾ. ಅರವತ್ತು ವರ್ಷಗಳ ತಮ್ಮ ಸುದೀರ್ಘ ವೃತ್ತಿ ಬದುಕಿನಲ್ಲಿ ಅವರು ಹಿಂದಿ ಹಾಗೂ ಪಂಚಾಬಿ ಭಾಷೆಯ 350ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. ಶಾಹೀದ್, ದೋ ರಾಸ್ತೆ, ಕಟಿ ಪತಂಗ್‌, ದೋ ಅಂಜಾನೆ, ಕಾಲಾ ಸೋನಾ, ದೋಸ್ತಾನಾ, ಕ್ರಾಂತಿ, ಜಾನ್ವರ್‌, ಊಂಚೆ ಲೋಗ್, ಇಂದಿರಾ, ಫೂಲ್ ಬನೇ ಅಂಗಾರೇ… ಅವರ ಅಭಿನಯದ ಕೆಲವು ಪ್ರಮುಖ ಸಿನಿಮಾಗಳು. ‘ದೋ ಅಂಜಾನೆ’ (1976) ಚಿತ್ರದ ಉತ್ತಮ ನಟನೆಗೆ ಅವರಿಗೆ ಫಿಲ್ಮ್‌ಫೇರ್ ಗೌರವ ಸಂದಿದೆ. ಇಂದು (ಸೆಪ್ಟೆಂಬರ್‌ 23) ಪ್ರೇಮ್‌ ಚೋಪ್ರಾ 86ನೇ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದಾರೆ. (Photo Courtesy: Film History Pics)