ಮಾರ್ಕ್ಸ್‌ ಮತ್ತು ಲೆನಿನ್‌ ಅನುಯಾಯಿಯಾಗಿದ್ದ ಮಜ್ರೂಹ್ ಸುಲ್ತಾನ್‌ಪುರಿ ಭಾರತದ ಜನಪ್ರಿಯ ಕವಿ ಮತ್ತು ಚಿತ್ರಸಾಹಿತಿ. ನಿರ್ಬಿಢೆಯಿಂದ ಬರೆಯುತ್ತಿದ್ದ ಅವರು ತಮ್ಮ ತೀಕ್ಷ್ಣ ಕವಿತೆಗಳಿಂದಾಗಿ ರಾಜಕಾರಣಿಗಳು ಕೆಂಗಣ್ಣಿಗೆ ಗುರಿಯಾಗಿದ್ದಿದೆ. ಇಂದು (ಮೇ 24) ಸುಲ್ತಾನ್‌ಪುರಿ ಅಗಲಿದ ದಿನ.
ಇಪ್ಪತ್ತನೇ ಶತಮಾನದ ಭಾರತದ ಪ್ರಮುಖ ಉರ್ದು ಕವಿಗಳಲ್ಲಿ ಮಜ್ರೂಹ್ ಸುಲ್ತಾನ್‌ಪುರಿ ಒಬ್ಬರು. ಹಿಂದಿ ಸಿನಿಮಾ ಕಂಡ ಮೇರು ಚಿತ್ರಸಾಹಿತಿ. ಐವತ್ತು ಮತ್ತು ಅರವತ್ತರ ದಶಕದ ಆರಂಭದ ವರ್ಷಗಳಲ್ಲಿ ಮಜ್ರೂಹ್ ಹಿಂದಿ ಸಿನಿಮಾರಂಗದ ಗೀತರಚನೆಕಾರರಾಗಿ ದೊಡ್ಡ ಜನಪ್ರಿಯತೆ ಗಳಿಸಿದ್ದರು. ತಮ್ಮ ಅರವತ್ತು ದಶಕಗಳ ಬರಹದ ಬದುಕಿನಲ್ಲಿ ಅವರು ಖ್ಯಾತ ಸಂಗೀತ ಸಂಯೋಜಕರಾದ ನೌಶಾದ್‌, ಮದನ್ ಮೋಹನ್‌, ಎಸ್ ಡಿ ಬರ್ಮನ್‌, ರೋಷನ್‌, ರವಿ, ಎನ್ ದತ್ತಾ, ಶಂಕರ್‌-ಜೀಕಿಶನ್‌, ಓ ಪಿ ನಯ್ಯರ್‌, ಉ‍‍‍ಷಾ ಖನ್ನಾ, ಲಕ್ಷ್ಮೀಕಾಂತ್‌-ಪ್ಯಾರೇಲಾಲ್‌, ಅನು ಮಲಿಕ್‌, ಅರ್ ಡಿ ಬರ್ಮನ್‌, ರಾಜೇಶ್ ರೋಷನ್‌, ಆನಂದ್-ಮಿಲಿಂದ್‌, ಜತಿನ್-ಲಲಿತ್‌, ಎ ಆರ್‌ ರೆಹಮಾನ್‌ ಸೇರಿದಂತೆ ಹಲವರೊಂದಿಗೆ ಕೆಲಸ ಮಾಡಿದ್ದಾರೆ. 1993ರಲ್ಲಿ ಅವರಿಗೆ ದಾದಾ ಫಾಲ್ಕೆ ಪುರಸ್ಕಾರ ನೀಡಿ ಗೌರವಿಸಲಾಗಿದೆ. ಫಾಲ್ಕೆ ಗೌರವ ಪಡೆದ ಮೊದಲ ಗೀತರಚನೆಕಾರ ಮಜ್ರೂಹ್ ಸುಲ್ತಾನ್‌ಪುರಿ (01/10/1919-24/05/2000) .
ಅವರ ರಚನೆಯ ಜನಪ್ರಿಯ ಚಿತ್ರಗೀತೆಗಳು ವಿಡಿಯೋಗಳು ಇಲ್ಲಿವೆ.
